ΑΡΧΗ ΤΗΣ ΙΝΔΙΚΤΟΥ...

ΤΗ Α' ΤΟΥ ΑΥΤΟΥ ΜΗΝΟΣ
ΣΕΠΤΕΜΒΡΙΟΥ

Ἀρχὴ τῆς Ἰνδίκτου, ἤτοι τοῦ νέου Ἔτους, καὶ μνήμη τοῦ Ὁσίου Πατρὸς ἡμῶν Συμεὼν τοῦ Στυλίτου καὶ Ἀρχιμανδρίτου, καὶ ἡ σύναξις τῆς Ὑπεραγίας Θεοτόκου τῶν Μιασηνῶν, καὶ τοῦ Ἁγίου μάρτυρος Ἀειθαλά, καὶ τῶν Ἁγίων τεσσαράκοντα Γυναικῶν, καὶ Ἀμμοῦν διακόνου καὶ διδασκάλου αὐτῶν, καὶ τῶν Ἁγίων μαρτύρων Καλλίστης, Εὐόδου καὶ Ἑρμογένους τῶν αὐταδέλφων, καὶ μνήμη Ἰησοῦ τοῦ Ναυῆ, καὶ ἡ ἀνάμνησις τοῦ μεγάλου ἐμπρησμοῦ.

Τὴ Α' τοῦ αὐτοῦ μηνός, Ἀρχὴ τῆς, Ἰνδίκτου, ἤτοι τοῦ νέου ἔτους.
Στίχοι
· Ἴνδικτον ἡμῖν εὐλόγει νέου Χρόνου,
· Ὧ καὶ Παλαιέ, καὶ δι ἀνθρώπους Νέε.

Τὴ αὐτὴ ἡμέρα, μνήμην ποιοῦμεν τοῦ γενομένου θαυματος παρὰ τῆς Ἁγίας Θεοτόκου ἐν τῇ Μονὴ τῶν Μιασηνῶν, καὶ μνήμη τοῦ γενομένου ἐμπρησμοῦ.
Στίχοι
· Αὐθαιρέτως ἄνεισιν ἄγρα τὶς ξένη,
· Λίμνης βυθοῦ πάντιμος εἰκὼν Παρθένου.

Τὴ αὐτὴ ἡμέρα, Μνήμη τοῦ Ὁσίου Πατρὸς ἡμῶν Συμεὼν τοῦ Στυλίτου.
Στίχοι
· Λιπῶν Συμεὼν τὴν ἐπὶ στύλου βάσιν,
· Τὴν ἐγγὺς εὗρε τοῦ Θεοῦ Λόγου στάσιν.
· Yψιβάτης Συμεὼν Σεπτεμβρίου ἔκθανε πρώτη.

Τὴ αὐτὴ ἡμέρα, μνήμη τῆς ὁσίας Μάρθας, μητρὸς τοῦ Ὁσίου Συμεών, καὶ τῆς oσίας Εὐανθίας, καὶ ἡ κοίμησις Ἰησοῦ τοῦ Ναυῆ.
Στίχοι
· Ἐν γῆ ξενίζει Μάρθα τὸν Χριστὸν πάλαι.
· Σὲ δὲ ξενίζει Μάρθα Χριστὸς ἐν πόλῳ.
· Ὂν τοῦ τρέχειν ἔστησεν ἥλιον πάλαι.
· Λιπῶν Ἰησοῦς, Ἥλιον δόξης βλέπει.

Τὴ αὐτὴ ἡμέρα, Μνήμη τῶν Ἁγίων τεσσαράκοντα γυναικῶν, Μαρτύρων, Παρθένων καὶ Ἀσκητριῶν, καὶ Aμμοῦν Διακόνου, καὶ διδασκάλου αὐτῶν.
Στίχοι
· Δισεικαρίθμοις παρθένοις πὺρ καὶ ξίφος,
· Θεοῦ προεξένησαν Υἱὸν νυμφίον.
· Ἀμμοῦν καλύπτραν ἔμπυρον δεδεγμένος,
· Τὸ σαρκικὸν κάλυμμα χαίρων ἐξέδυ.

Τὴ αὐτὴ ἡμέρα, Μνήμη τῶν Ἁγίων Μαρτύρων καὶ αὐταδέλφων Εὐόδου, Καλλίστης, καὶ Ἑρμογένους.
Στίχοι
· Κάλλιστον ὄντως εὗρε Καλλίστη τέλος,
· Σὺν τοὶς καλοὶς τμηθεῖσα διττοὶς συγγόνοις.

Ὁ ὅσιος Μελέτιος ὁ νέος, ὁ ἐν τῷ ὄρει Νυουπόλεως ἀσκήσας, ἐν εἰρήνῃ τελειοῦται.

Ὁ ἅγιος νεομάρτυς, Ἀγγελὴς ὁ ἐν Κωνσταντινοπόλει μαρτυρήσας Κατὰ τὸ 1680 ξίφει τελειοῦται.

Ταὶς αὐτῶν ἁγίαις πρεσβείαις, ὁ Θεός, ἐλέησον ἡμᾶς. Ἀμήν.