ΤΗ ΚΣΤ' ΤΟΥ ΑΥΤΟΥ ΜΗΝΟΣ
ΑΥΓΟΥΣΤΟΥ
Μνήμη τῶν Ἁγίων Μαρτύρων Ἀδριανοῦ καὶ Ναταλίας.
Τὴ ΚΣΤ' τοῦ αὐτοῦ μηνός, μνήμη τῶν Ἁγίων μαρτύρων, Ἀδριανοῦ καὶ Ναταλίας καὶ τῆς συνοδίας αὐτῶν.
Στίχοι
· Ἀδριανοῦ τέμνουσι χείρας καὶ πόδας
· Χεῖρες πονηρῶν, ὧν φονοδρόμοι πόδες.
· Ἐν τῷ βίω σύνευνος, ἐν δὲ τῶ πόλω
· Ἀδριανῶ σύσκηνος ἡ Ναταλία.
· Ἀδριανὸς τμήθη χείρας πόδας εἰκάδι ἕκτη.
Τὴ αὐτὴ ἡμέρα οἱ συναθλήσαντες τῶ Ἁγίω Ἀδριανῶ ξίφει τελειοῦνται.
Στίχοι
· Τέμνουσιν ἀνδρῶν εἰκοσιτριῶν ἄκρα,
· Τὰ τετράκις τοσαύτα χείρας καὶ πόδας.
Τὴ αὐτὴ ἡμέρα, μνήμη τῶν Ἁγίων μαρτύρων Ἀττικοῦ καὶ Σισινίου καὶ τοῦ Ὁσίου Πατρὸς ἡμῶν Ἰβιστίωνος.
Στίχοι
· Συσταδιοδρομοῦσιν ἀθληταὶ δύο,
· Ξίφους δραμόντες στάδιον κουφοδρόμως.
· Ῥυψθεὶς ὑσσώπω δακρύων, Ἰβιστίων,
· Εὔθυμος εἰς ἄδακρυ χωρεὶς χωρίον.
Τὴ αὐτὴ ἡμέρα, μνήμη ἑτέρου μάρτυρος Ἀδριανοῦ.
Στίχοι
· Ἀδριανὸν τμηθέντα κοσμήσει στέφος,
· Ἐν τῇ μεγίστη τῶν στεφάνων ἡμέρα.
Τὴ αὐτὴ ἡμέρα, μνήμη τοῦ Ὁσίου Ἰωάσαφ, υἱοῦ Ἀβενὴρ τοῦ Βασιλέως.
Στίχοι
· Ζήλω τὰ βασίλεια Παμβασιλέως,
· Ὤκησεν υἱὸς γηϊνου βασιλέως.
Τὴ αὐτὴ ἡμέρα, ὁ Ὅσιος Τιθόης ἐν εἰρήνῃ τελειοῦται.
Στίχοι
· Οὐκ εἶχεν, οἶμαι, σάρκα Τιθόης ὅλως.
· Κὰν εἶχε, τήξας, οὐκ ἐὰ βρῶσιν τάφω.
Ταὶς τῶν Ἁγίων σου πρεσβείαις, ὁ Θεός, ἐλέησον ἡμᾶς. Ἀμήν.
...Τὸ εἰ δύνασαι πιστεῦσαι, πάντα δυνατὰ τῷ πιστεύοντι... Τοῦτο τὸ γένος ἐν οὐδενὶ δύναται ἐξελθεῖν εἰ μὴ ἐν προσευχῇ καὶ νηστείᾳ. Καὶ ἐκεῖθεν ἐξελθόντες παρεπορεύοντο διὰ τῆς Γαλιλαίας, καὶ οὐκ ἤθελεν ἵνα τις γνῷ· ἐδίδασκε γὰρ τοὺς μαθητὰς αὐτοῦ καὶ ἔλεγεν αὐτοῖς ὅτι ὁ υἱὸς τοῦ ἀνθρώπου παραδίδοται εἰς χεῖρας ἀνθρώπων, καὶ ἀποκτενοῦσιν αὐτόν, καὶ ἀποκτανθεὶς τῇ τρίτῃ ἡμέρᾳ ἀναστήσεται.
