ΔΕΥΤΕ ΦΙΛΟΜΑΡΤΥΡΕΣ, ΑΣΜΑΤΙΚΗΝ ΥΜΝΩΔΙΑΝ....

Ὁ λαμπρὸς ἀριστεὺς Γεώργιος, ἐν τῇ ἐνδόξω ἀθλήσει αὐτοῦ, τὰς ἄνω Δυνάμεις εὐφραίνει, καὶ σὺν αὐταῖς ἀγαλλόμενος νύν, ἐπίγειον τοὶς πιστοὶς πανήγυριν ἤγειρε, καὶ συνεορτάζειν ἡμῖν τοὶς δι' αὐτὸν ἤθροισμένοις, ὡς Χριστοῦ δοῦλος παραγέγονε, Διόπερ αὐτὸν ἀξίως τιμήσωμεν, ἀπαύστως πρεσβεύοντα τῶ τῶν ὅλων Θεῷ, δωρηθῆναι ἡμῖν τὸ μέγα ἔλεος.
Ἀριστείαις ἄθλων γεωργῶν τὰ κρείττονα, τοὺς πόνους τῶν καρπῶν σου, τῶ Χριστῷ προσήνεγκας, παμμακάριστε Μάρτυς Γεώργιε, πίστει πόθον ἐνστησάμενος, ἐλπίδι φόβον ἀπωσάμενος, ἀγάπη ἐκτήσω τὰ οὐράνια πανεύφημε, Παρρησίαν οὖν ἔχων, εὐπροσδέκτοις δεήσεσιν, αἴτησαι ταὶς ψυχαὶς ἡμῶν τὴν εἰρήνην, ἱλασμόν τε ἁμαρτιῶν, καὶ τὸ μέγα ἔλεος.
Τοῦ μεγάλου Βασιλέως στρατιώτα Γεώργιε, χαῖρε καὶ εὐφραίνου, Θεῷ γὰρ εὐηρέστησας, πάντων καταφρονήσας, ζωὴν τὴν αἰώνιον εὗρες ἐν οὐρανοῖς, τὸ γὰρ σώμά σου πᾶσαν νόσον ἐξ ἀνθρώπων ἀπελαύνει, Χριστὸς γὰρ ὃν ἐπόθησας, αὐτὸς σὲ δοξάζει μακάριε.
Δεῦτε φιλομάρτυρες, ἀσματικὴν ὑμνωδίαν, τῶ ἀναστάντι ἐκ τάφου Χριστῷ προσάξωμεν, Σήμερον γὰρ ἔαρ νοητὸν ἀνέτειλεν ἡμῖν, περκάζον ἄνθη τὰ λογικά, ἡ παγκόσμιος μνήμη Γεωργίου τοῦ σοφοῦ Μεγαλομάρτυρος, οὗ τινος τὰ στίγματα ἀνανεοῦντες, κομιζόμεθα ἰαμάτων πηγάς, Αὐτὸν καὶ νὺν ἱκετεύσωμεν, τοῦ πρεσβεύειν ἀπαύστως τῶ Σωτήρι Χριστῷ, εἰρήνην τὴ οἰκουμένη δωρήσασθαι, καὶ ταὶς ψυχαὶς ἡμῶν τὸ μέγα ἔλεος.
Πάντα τὰ ἔθνη κροτήσατε χείρας, ἀλαλάξωμεν τῶ Θεῷ τῶ Σωτήρι ἡμῶν, ὅτι ἐν ξύλῳ ὑψωθείς, καὶ ἐν τάφῳ κατελθῶν, τὸν Ἅδην ἐσκύλευσε, καὶ νεκροὺς συνήγειρε, βοῶντας αὐτῷ, Ἀλληλούϊα, Ἀλληλούϊα, Ἀλληλούϊα Χριστῷ τῶ ἀναστάντι.
Στέφανον δόξης ἐπὶ κεφαλῆς σου ἀνεδήσω, στεφανηφόρε Γεώργιε, τὸν γὰρ ἀόρατον ἐχθρόν, ὡς ὁ Παῦλος ἐκβοᾷ, ὁρῶν ἐκαρτέρησας, νικητὴς γενόμενος τῆς πλάνης αὐτοῦ, Ἀλληλούϊα, Ἀλληλούϊα, Ἀλληλούϊα Χριστῷ τῶ ἀναστάντι.
Ἄσμα ἀσμάτων χορεύοντες ἅμα, προσενέγκωμεν τῶ Χριστῷ φιλομάρτυρες, ὅτι τὸν τύραννον ἐχθρόν, ὁ γενναῖος Ἀθλητής, πτερνίσας κατέβαλε, διὸ πάντες ἄσωμεν ἀπαύστοις φωναὶς Δόξα Σῶτερ τὴ φρικτή σου ἀναστάσει, δι' ἦς ἔσωσας τὸν κόσμον.