Κύριε, τὴ ἀστέκτω τῆς σῆς θεότητος αἴγλη, τῶν θυρῶν ἐπέστης οὐσῶν κεκλεισμένων, καὶ στὰς ἐν μέσῳ τῶν Μαθητῶν, τὴν πλευρὰν τραυμάτων σου χειρῶν καὶ ἐξεγύμνωσας, καὶ τῶν ποδῶν, τὰς ὠτειλὰς δεικνύων, ἀθυμίας τὴν κατήφειάν τε λύων, σαφῶς ἐφώνησας, ὂν τρόπον ἐν ἐμοὶ καθορᾶτε, ὧ φίλοι, τῆς σαρκὸς τὴν πρόσληψιν, οὐ πνεύματος φέρω φύσιν, τῶ δὲ διστάζοντι Μαθητή, προετρέπου ψηλαφῆσαι φρικτῶς, κατειπῶν, Ἐρευνήσας ἅπαντα, δεῦρο λοιπὸν μὴ ἀμφίβαλλε, ὁ δὲ αἰσθόμενος ἐν τῇ χειρί, τῆς σῆς διπλῆς οὐσίας, ἐν φόβῳ ἀνεβόα πιστῶς, τὴ πίστει ἑλκόμενος, ὁ Κύριός μου καὶ ὁ Θεός μου, δόξα σοί.
Ἄψαι Θωμᾶ τῆς πλευρᾶς τὴ χειρί, λέγει Χριστός, καὶ τοὺς τύπους τῶν ἤλων δεῦρο ψηλάφησον, πίστει ἐρεύνησον, καὶ γίνου μοὶ πιστός, καὶ μὴ γίνου ἄπιστος, ὁ δὲ Θωμᾶς, τῶ δακτύλω ὦς ἥψατο τοῦ Δεσπότου, μέγα ἀνεβόησε, Σύ μου Θεὸς καὶ Κύριος, εὔσπλαγχνε, δόξα σοί.
Δόξα... Καὶ νύν...
Τῶν θυρῶν κεκλεισμένων, τῶν Μαθητῶν συνθροισμένων, ἐπέστη ὁ Σωτήρ, οὗ ἦσαν συνηγμένοι, καὶ στὰς ἐν μέσῳ αὐτῶν, λέγει τῶ Θωμᾶ, Δεῦρο ψηλάφησον, καὶ ἴδε τούς τύπους τῶν ἤλων, ἐκτεινόν σου τὴν χείρα, καὶ ἄψαι τῆς πλευρᾶς μου, καὶ μὴ γίνου ἄπιστος, ἀλλὰ πίστει κήρυξον, τὴν ἐκ νεκρῶν μου Ἀνάστασιν.
...Τὸ εἰ δύνασαι πιστεῦσαι, πάντα δυνατὰ τῷ πιστεύοντι... Τοῦτο τὸ γένος ἐν οὐδενὶ δύναται ἐξελθεῖν εἰ μὴ ἐν προσευχῇ καὶ νηστείᾳ. Καὶ ἐκεῖθεν ἐξελθόντες παρεπορεύοντο διὰ τῆς Γαλιλαίας, καὶ οὐκ ἤθελεν ἵνα τις γνῷ· ἐδίδασκε γὰρ τοὺς μαθητὰς αὐτοῦ καὶ ἔλεγεν αὐτοῖς ὅτι ὁ υἱὸς τοῦ ἀνθρώπου παραδίδοται εἰς χεῖρας ἀνθρώπων, καὶ ἀποκτενοῦσιν αὐτόν, καὶ ἀποκτανθεὶς τῇ τρίτῃ ἡμέρᾳ ἀναστήσεται.
