ΣΤΑΧΥΟΣ, ΑΠΕΛΛΟΣ, ΑΜΠΛΙΑ, ΟΥΡΒΑΝΟΣ, ΑΡΙΣΤΟΒΟΥΛΟΣ, ΝΑΡΚΙΣΣΟΣ & ΕΠΙΜΑΧΟΣ

ΤΗ (31η) ΛΑ' ΤΟΥ ΑΥΤΟΥ ΜΗΝΟΣ
ΟΚΤΩΒΡΙΟΥ



Μνήμη τῶν Ἁγίων Ἀποστόλων Στάχυος, Ἀπελλοῦ, Ἀμπλία, Οὐρβανοῦ, Ἀριστοβούλου καὶ Ναρκίσσου, καὶ τοῦ Ἁγίου Μάρτυρος Ἐπιμάχου.

Εἰς πᾶσαν ἐξέδραμε τὴν γὴν ὑμῶν ὁ σωτήριος, φθόγγος Κυρίου Ἀπόστολοι φέγγει τῆς χάριτος, καταυγάζων πάντων τὰς καρδίας ἔνδοξοι, καὶ λύων τῆς ἀπάτης τήν ζόφωσιν, διὸ πρεσβεύσατε, δωρηθῆναι ταὶς ψυχαὶς ἡμῶν τὴν εἰρήνην, καὶ τὸ μέγα ἔλεος.
Στάχυς ὁ πανόλβιος Χριστοῦ, κῆρυξ καὶ Ἀπόστολος, καὶ Ἀπελλῆς ὁ θαυμάσιος καὶ Ἀριστόβουλος, Οὐρβανός, Ἀμπλίας καὶ ὁ θεῖος Νάρκισσος, Τριάδα παναγίαν κηρύξαντες ἔθνη ἐφώτισαν καὶ δουλείας ἐλυτρώσαντο, οὓς ἐν πίστει πάντες μακαρίσωμεν.
Φωστῆρες ὑπέρλαμπροι Χριστοῦ, σκεύη καθαρώτατα, ὅλην τὴν αἴγλην τοῦ Πνεύματος πίστει χωρήσαντες, Ἐκκλησίας στῦλοι, οὐρανοὶ περίδοξοι, τὴν δόξαν τοῦ Θεoὺ διηγούμενοι, αὐτῷ πρεσβεύσατε, δωρηθῆναι ταὶς ψυχαὶς ἡμῶν, τὴν εἰρήνην, καὶ τὸ μέγα ἔλεος.
Τῶν οὔρανίων τὰ κάλλη, ποθήσας ἔνδοξε, τὴν τῶν προσκαίρων δόξαν, εἰς οὐδὲν ἑλογίσω, διὸ καὶ ἰσαγγέλως ἐν τῇ σαρκί, βιοτεύων ὡς ἄσαρκος τὰς πολθτρόπους κολάσεις τῶν διωκτῶν, καρτερῶς φέρεις Ἐπίμαχε.
Ἐν οὐρανίαις παστάσι, χορεύων ἔνδοξε, καὶ ἐντρυφῶν τὴ δόξη τοῦ τῶν ὅλων Δεσπότου, Ἐπίμαχε τρισμάκαρ δυσώπει αὐτόν, ὑπὲρ ἡμῶν τῶν τιμώντων σε, ἵνα τρυφῆς αἰωνίου καὶ τῆς χαρᾶς σὺν Ἀγγέλοις ἀπολαύσωμεν.
Φωστὴρ λαμπρότατος ὤφθης Μάρτυς Ἐπίμαχε τοὶς ἐν τῷ σκότει φαίνων καὶ ἀγνοίας τῶ ζόφω τους πάλαι Κρατουμένους, φωτίσας ταὶς σαίς, ἱεραῖς παραινέσεσι, καὶ ἐναθλήσας νομίμως ὑπὲρ Χριστοῦ νίκης στέφανον ἀπείληφας.

Βιβλιογραφία

1. Μηνιαίον Οκτωβρίου, Εκδ. Αποστ. Διακ.